ഗുജറാത്തിൽ എം എൽ എക്ക് കോവിഡ്

ഹരീഷ് റാം..

അഹമ്മദാബാദ്​: ഗുജറാത്തിലെ കോൺഗ്രസ്​ എം.എൽ.എ ഇമ്രാൻ ഖെഡാവാലക്ക്​ കോവിഡ്​ സ്​ഥിരീകരിച്ചു. ഫലം വരുന്നതി​ന്റെ ആറ്​ മണിക്കൂർ മുമ്പ്​ ഇദ്ദേഹം ഗുജറാത്ത്​ മുഖ്യമന്ത്രി വിജയ്​ റുപാണി അടക്കമുള്ള നേതാക്കളുമായി കൂടിക്കാഴ്​ച നടത്തിയിരുന്നു.

അഹമദാബാദിലെ ജമാൽപുർ-ഖദിയ മണ്ഡലത്തിലെ എം.എൽ.എയാണ്​ ഇമ്രാൻ. മുഖ്യമന്ത്രിയെ കൂടാതെ ഉപമുഖ്യമന്ത്രി നിഥിൻ പ​ട്ടേൽ, മന്ത്രി പ്രദീപ്​ സിങ്​ ജദേജ എന്നിവരെയും അതിനുശേഷം മാധ്യമപ്രവർത്തകരെയും ഇദ്ദേഹം ഇന്നലെ കണ്ടിട്ടുണ്ട്​.

കോവിഡ്​ പ്രതി രോധ പ്രവർത്തനങ്ങളെ സംബന്ധിച്ച്​ സംസാരിക്കാനാണ്​ ഇദ്ദേഹം നേതാക്കളെയും മാധ്യമപ്രവർത്തകരെയും കണ്ടത്​. ഗുജറാത്തിൽ ഇതുവരെ 650 പേർക്കാണ്​ രോഗം സ്​ഥിരീകരിച്ചത്​. 28 പേർ ഇതുവരെ മരണമടഞ്ഞു.