ഇന്ന് തൃശൂര്‍പൂരം

ആളും ആരവവും ഇല്ലാതേ ഇന്ന് തൃശൂര്‍പൂരം; താന്ത്രിക ചടങ്ങുകള്‍ മാത്രം

സിന്ധുമോള്‍ ആര്‍

തൃശൂര്‍ : ഇന്നാണ് തൃശൂർ പൂരം. ആളനക്കമില്ലാതെ ആനകളും അമ്പാരിയും ഇല്ലാതെ മേളവും വാദ്യഘോഷങ്ങളും ഇല്ലാതെ കണ്ണഞ്ചിപ്പിക്കുന്ന കരിമരുന്നു പ്രയോഗങ്ങളില്ലാതെ കൊവിഡ് ഭീതിയെത്തുടര്‍ന്ന് തൃശൂര്‍പൂരം ക്ഷേത്രത്തിനകത്തെ ചടങ്ങു മാത്രമാക്കി നടത്തും. ഒരാനപ്പുറത്ത് എഴുന്നള്ളിപ്പ് നടത്താന്‍ പാറമേക്കാവ് വിഭാഗം കഴിഞ്ഞ ദിവസം അനുമതി തേടിയെങ്കിലും കളക്ടര്‍ അത് നിരസിക്കുകയായിരുന്നു.

എഴുന്നള്ളിപ്പും ആനയെയും കണ്ടാല്‍ ആളുകള്‍ കൂട്ടം കൂടുമെന്ന് കരുതിയാണ് അനുമതി നിരസിച്ചത്. ചടങ്ങുകള്‍ നടക്കുമ്പോള്‍ ആള്‍ക്കൂട്ടം പൂര്‍ണമായും ഒഴിവാക്കണമെന്ന കര്‍ശനനിര്‍ദേശം ജില്ലാ ഭരണകൂടം നല്‍കിയിട്ടുണ്ട്. ആദ്യമായാണ് പൂരം പൂര്‍ണമായും ഒഴിവാക്കുന്നത്.