മുംബൈ: മഹാരാഷ്ട്രയില് കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തില് ലോക്ഡൗണ് അടക്കമുള്ള പ്രതിരോധ പ്രവര്ത്തനങ്ങള് ശക്തമാക്കാന് തീരുമാനം. സംസ്ഥാനത്തെ പത്ത് ജില്ലകളിലാണ് കോവിഡ് വീണ്ടും രൂക്ഷമായിരിക്കുന്നത്. ഇവിടങ്ങളില് പലയിടത്തും രാത്രി കര്ഫ്യൂവും ലോക്ഡൗണും ഏര്പ്പെടുത്തിയിട്ടുണ്ട്.
പര്ഭാനി ജില്ലയില് വെള്ളിയാഴ്ച മുതല് രാത്രികാല ലോക്ഡൗണ് ഏര്പ്പെടുത്തി. രാത്രി 12 മുതല് രാവിലെ ആറ് വരെയാണ് ലോക്ഡൗണ്. മാര്ച്ച് 12 മുതല് 22 വരെ പനവേല്, നവി മുംബൈ, എന്നിവിടങ്ങളില് രാത്രികാല കര്ഫ്യൂ ഏര്പ്പെടുത്തി. പര്ഭാനി ജില്ലയില് വെള്ളിയാഴ്ച മുതല് രാത്രി 12മുതല് പുലര്ച്ചെ ആറുമണിവരെ കര്ഫ്യൂ ഏര്പ്പെടുത്തി. അകോലയില് രാത്രി എട്ട് മുതല് പുലര്ച്ചെ ആറ് വരെയും കര്ഫ്യൂ ഏര്പ്പെടുത്തിയിട്ടുണ്ട്.
വ്യാഴാഴ്ച മഹാരാഷ്ട്രയില് കോവിഡ് കേസുകള് 15000 കവിഞ്ഞിരുന്നു. ഇതോടെ സംസ്ഥാനത്ത് മിനി ലോക്ഡൗണ് നീട്ടിയിട്ടുണ്ട്. സ്കൂളുകളും കോളജുകളും മാര്ച്ച് 31 വരെ അടച്ചു. പുനെയില് രാത്രി 11 മുതല് പുലര്ച്ചെ ആറ് വരെ കര്ഫ്യൂ ഏര്പ്പെടുത്തി. കൂടാതെ, ഹോട്ടലുകള്, റസ്റ്റോറന്റുകള്, ബാറുകള് തുടങ്ങിയവ രാവിലെ 10 മുതല് 50 ശതമാനം ആളുകളെ പ്രവേശിപ്പിച്ച് മാത്രമേ പ്രവര്ത്തിക്കാവൂ എന്നും നിര്ദേശമുണ്ട്.