KeralaLatestThiruvananthapuram
ബിജെപി ജില്ലാ സെക്രട്ടറി എം ബാലമുരളിയുടെ വീട് കെ സുരേന്ദ്രൻ സന്ദർശിച്ചു
പോത്തൻകോട് : തദ്ദേശ സ്വയംഭരണ സ്ഥാപനങ്ങളിലെ തിരഞ്ഞെടുപ്പ് ഫലം പുറത്തു വന്ന രാത്രി ഒരു കൂട്ടം സാമൂഹ്യവിരുദ്ധരുടെ ആക്രമണത്തില് ബി ജെ പി ജില്ലാ സെക്രട്ടറി എം ബാലമുരളിയുടെ വീടിനുനേരെ നാടൻബോംബ് എറിഞ്ഞിരുന്നു. സിപിഎം പ്രവർത്തകരാണ് സംഭവത്തിന് പിന്നിലെന്ന് ആരോപണമുണ്ട്.
ജനാധിപത്യവിരുദ്ധമായ ഈ സംഭവത്തിൽ വലിയ പ്രതിഷേധമാണ് ഉയർന്നിരിക്കുന്നത്. ആക്രമണം നടന്ന വീടും പരിസരവും ബിജെപി സംസ്ഥാന പ്രസിഡണ്ട് കെ സുരേന്ദ്രൻ സന്ദർശിച്ചു. ബിജെപി ജില്ലാ പ്രസിഡണ്ട് വി വി രാജേഷ്, മറ്റ് ബിജെപി നേതാക്കളും സംസ്ഥാന പ്രസിഡന്റും ഒപ്പമുണ്ടായിരുന്നു.