വീടിന്റെ താക്കോൽ ദാനം CPI(M) കണ്ണൂർ ജില്ലാ സെക്രട്ടറി എം.വി. ജയരാജൻ നിർവഹിച്ചു.

കേരള മുനിസിപ്പൽ & കോർപ്പറേഷൻ സ്റ്റാഫ് യൂണിയൻ സംസ്ഥാന കമ്മിറ്റി കണ്ണൂർ ജില്ലയിലെ പേരാവൂരിനടുത്ത് കൊളക്കാട് മച്ചുകുഴി ജിഷാ – സണ്ണി ദമ്പതികൾക്ക് നിർമിച്ച് നൽകിയ വീടിന്റെ താക്കോൽ ദാനം CPI(M) കണ്ണൂർ ജില്ലാ സെക്രട്ടറി എം.വി. ജയരാജൻ നിർവഹിച്ചു. യൂണിയൻ കണ്ണൂർ ജില്ലയിൽ നിർമ്മിച്ച് നൽകുന്ന നാല് വീടുകളിൽ രണ്ടാമത്തേത് ആണിത് . ചടങ്ങിൽ യൂണിയൻ സംസ്ഥാന സെക്രട്ടറി കെ.ബാബു അദ്ധ്യക്ഷത വഹിച്ചു. CPI(M) ജില്ലാ സെക്രട്ടറിയേറ്റംഗം പി.ഹരീന്ദ്രൻ, ജില്ലാ കമ്മിറ്റി അംഗം വി.ജി പദ്മനാഭൻ,അഡ്വ.എം രാജൻ, ആന്റണി, സംസ്ഥാന കമ്മിറ്റിയംഗങ്ങളായ പി.ആർ.സ്മിത, കെ.ശ്രീജിത്ത്, ജില്ലാ സെക്രട്ടറി കെ.സുധീർ തുടങ്ങിയവർ സംബന്ധിച്ചു.