2023 ക്രിക്കറ്റ് ലോകകപ്പ് വെെകും
സിന്ധുമോള് ആര്
ന്യൂഡല്ഹി: 2023 ല് ഇന്ത്യയില് നടക്കാനിരിക്കുന്ന ക്രിക്കറ്റ് ലോകകപ്പ് വെെകും. കോവിഡ് മഹാമാരിയെ തുടര്ന്ന് അടുത്ത മൂന്ന് വര്ഷത്തെ ക്രിക്കറ്റ് ടൂര്ണമെന്റുകളുടെ ഷെഡ്യൂള് താളംതെറ്റിയിരിക്കുകയാണ്. ഇങ്ങനെയൊരു സാഹചര്യത്തിലാണ് ഫെബ്രുവരി-മാര്ച്ച് മാസങ്ങളില് നടക്കേണ്ട 50 ഓവര് ക്രിക്കറ്റ് ലോകകപ്പ് ആറ് മാസം വെെകി നടത്താന് തീരുമാനിച്ചിരിക്കുന്നത്.
2023 ഒക്ടോബര്-നവംബര് മാസങ്ങളിലായിരിക്കും ലോകകപ്പ് നടക്കുകയെന്ന് ഐസിസി അറിയിച്ചു. അടുത്ത മൂന്ന് വര്ഷവും ഐസിസി ക്രിക്കറ്റ് ടൂര്ണമെന്റുകള് നടക്കും. ഈ വര്ഷത്തെ ടി20 ടൂര്ണമെന്റ് കോവിഡ് മഹാമാരിയെ തുടര്ന്ന് 2021 ലേക്ക് മാറ്റിയിട്ടുണ്ട്. 2022 ലും ടി20 ടൂര്ണമെന്റ് നടക്കണം. അതിനാല് 2023 ലെ 50 ഓവര് ക്രിക്കറ്റ് ലോകകപ്പിനുള്ള തയ്യാറെടുപ്പുകള് പൂര്ത്തിയാക്കാന് കൂടുതല് സമയം വേണ്ടിവരും.