ഡല്ഹി: പഞ്ചാബിലെ അമൃത്സറില് സഹപ്രവര്ത്തകന്റെ വെടിയേറ്റ് അഞ്ച് ബിഎസ്എഫ് ജവാന്മാര് കൊല്ലപ്പെട്ടു. ഖാസയില് ബിഎസ്എഫ് ക്യാമ്പിലായിരുന്നു സംഭവം. ക്യാമ്പിലെ ഭക്ഷണശാലയിലാണ് വെടിവയ്പുണ്ടായത്.
സിടി സത്തേപ്പ എന്ന കോണ്സ്റ്റബിളാണ് സഹപ്രവര്ത്തകര്ക്കു നേരെ വെടിയുതിര്ത്തത്. വെടിവയ്പില് ഇയാളും കൊല്ലപ്പെട്ടു. എട്ടു പേര്ക്ക് പരിക്കേറ്റു. ഇവരെ ആശുപത്രിയില് പ്രവേശിപ്പിച്ചു. ഒരാളുടെ നില ഗുരുതരമാണ്. സംഭവത്തില് ബിഎസ്എഫ് അന്വേഷണം പ്രഖ്യാപിച്ചിട്ടുണ്ട്.