![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
അബുദാബിയില്‍ സ്വകാര്യ സ്കൂളുകള്‍ സെപ്റ്റംബറില്‍ തുറക്കും
അബൂദബിയില്‍ സ്വകാര്യ സ്കൂളുകളില്‍ സെപ്റ്റംബറില്‍ പുതിയ അധ്യയന വര്‍ഷമാരംഭിക്കുമെന്ന് അധികൃതര്‍ അറിയിച്ചു. എന്നാല്‍ എല്ലാ വിദ്യാര്‍ഥികളും അധ്യാപകരും ജീവനക്കാരും കോവിഡ് 19 പരിശോധന നടത്തണമെന്നും അബുദാബി എജുക്കേഷന്‍ & നോളജ് വിഭാഗം വ്യക്തമാക്കി.
പുതിയ അധ്യയനവര്‍ഷത്തില്‍ കാമ്പസിലേക്ക് തിരിച്ചെത്തുന്നതിന് മുന്നോടിയായി എല്ലാ അധ്യാപകരും വിദ്യാര്‍ഥികളും സ്കൂള്‍ ജീവനക്കാരും കോവിഡ് പരിശോധനക്ക് വിധേയരാവണം. പരിശോധനക്ക് ശേഷം അനുമതി ലഭിക്കുന്നവര്‍ക്ക് മാത്രമേ സ്കൂളിലേക്ക് പ്രവേശിക്കാന്‍ കഴിയൂ. പരിശോധനയുടെ സമയക്രമവും, നടപടിക്രമങ്ങളും പിന്നീട് പ്രഖ്യാപിക്കും.
