സെന്‍സെക്സ് പോയന്റ് നേട്ടത്തില്‍

മുംബൈ : സാമ്പത്തിക വര്‍ഷത്തെ ആദ്യദിവസം മികച്ച നേട്ടത്തില്‍ ഓഹരി സൂചികകള്‍ ക്ലോസ് ചെയ്തു. സെന്‍സെക്സ് 708.18 പോയന്റ് ഉയര്‍ന്ന് 59,276.69ലും നിഫ്റ്റി 205.70 പോയന്റ് നേട്ടത്തില്‍ 17,670.50ലുമാണ് വ്യാപാരം അവസാനിപ്പിച്ചത്. മാര്‍ച്ചിലെ ജിഎസ്ടി വരുമാനത്തില്‍ റെക്കോഡ് വര്‍ധനവുണ്ടായതാണ് സൂചികകള്‍ക്ക് കരുത്തായത്.

എന്‍ടിപിസി, ബിപിസിഎല്‍, പവര്‍ഗ്രിഡ് കോര്‍പ്, ഇന്‍ഡസിന്‍ഡ് ബേങ്ക്, എസ്ബിഐ എന്നീ ഓഹരികളാണ് നേട്ടത്തിന് മുന്നില്‍. ഹീറോ മോട്ടോര്‍കോര്‍പ്, എസ്ബിഐ ലൈഫ്, സണ്‍ ഫാര്‍മ, ടെക് മഹീന്ദ്ര, ടൈറ്റാന്‍ കമ്ബനി തുടങ്ങിയ ഓഹരികള്‍ക്ക് നഷ്ടംനേരിട്ടു. ഓട്ടോ, ബേങ്ക്, ഓയില്‍ ആന്‍ഡ് ഗ്യാസ്, റിയാല്‍റ്റി, പവര്‍, പൊതുമേഖല ബേങ്ക് സൂചികകള്‍ 1-4 ശതമാനം നേട്ടത്തിലാണ് വ്യാപാരം അവസാനിപ്പിച്ചത്. ബിഎസ്‌ഇ മിഡ്ക്യാപ്, സ്മോള്‍ ക്യാപ് സൂചികകള്‍ 1 ശതമാനം വീതം ഉയര്‍ന്നു.