ഒടയംചാല്‍ ടൗണിലെ രണ്ട് ഓട്ടോ ഡ്രൈവര്‍മാര്‍ക്ക് കോവിഡ് സ്ഥിരീകരിച്ചു
![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
ഒടയംചാല്‍: ഒടയംചാല്‍ ടൗണിലെ രണ്ട് ഓട്ടോ ഡ്രൈവര്‍മാര്‍ക്ക് കോവിഡ് സ്ഥിരീകരിച്ചു. ഇതോടെ ഒടയംചാല്‍ ടൗണ്‍ അടച്ചു. ഇന്നലെയാണ് ഓട്ടോ ഡ്രൈവര്‍മാര്‍ക്ക് രോഗം സ്ഥിരീകരിച്ചത്. ഇവരുമായി സമ്പര്‍ക്കം പുലര്‍ത്തിയവരെല്ലാം നിരീക്ഷ്ണത്തില്‍ പ്രവേശിച്ചു. ഏകദേശം 34 പേരാണ് ഇവരുമായി സമ്പര്‍ക്കത്തില്‍ ഉള്ളതെന്നാണ് ആരോഗ്യ വകുപ്പിന്റെ കണക്ക്.
നാല് ദിവസം മുന്‍പ് കാഞ്ഞങ്ങാട് ഫാര്‍മസിസ്റ്റായി ജോലിചെയ്യുന്ന ഒടയംചാല്‍ സ്വദേശിനിക്ക് രോഗം സ്ഥിരീകരിച്ചിരുന്നു. ഇവരുടെ സഹോദരനും, ബന്ധുവിനുമാണ് ഇന്നലെ രോഗം സ്ഥിരീകരിച്ചത്. കൂടുതല്‍ വ്യാപനം ഉണ്ടാകാതിരിക്കാന്‍ ആണ് പഞ്ചായത്ത്, ആരോഗ്യവകുപ്പ്, പോലീസ് അധികാരികളുടെ യോഗത്തില്‍ ടൗണ്‍ അടച്ചിടാന്‍ തീരുമാനമായത്. ടൗണിന്‍റെ മൂന്നു കിലോമീറ്റര്‍ ചുറ്റളവിലുള്ള കടകള്‍ മുഴുവനും അടക്കാന്‍ തീരുമാനമായി.
