ശ്രീജ.എസ്
ന്യൂഡല്ഹി: കോവിഡ് പ്രതിസന്ധിയെ തുടര്ന്ന് രാജ്യത്തിന്റെ സാമ്പത്തിക സ്ഥിതി അപകടത്തിലേക്കാണ് നീങ്ങിക്കൊണ്ടിരിക്കുന്നതെന്ന മുന്നറിയിപ്പുമായി റിസര്വ് ബാങ്ക് മുന് ഗവര്ണര് രഘുറാം രാജന്. ജിഡിപി വളര്ച്ചാ നിരക്ക് കുത്തനെ ഇടിഞ്ഞത് ആശങ്ക ഉളവാക്കുന്നതാണ്. കോവിഡ് ഇന്ത്യന് വിപണിയെ ഭീകരമായിട്ടാണ് ബാധിച്ചതെന്നും രഘുറാം രാജന് വ്യക്തമാക്കി.
അനൗദ്യോഗിക മേഖലയിലെ നഷ്ടങ്ങള് കണക്കാക്കുമ്പോള് ജിഡിപി നിരക്ക് ഇനിയും ഇടിയാനാണ് സാധ്യത. രാജ്യത്തെ സാമ്പത്തിക പ്രതിസന്ധി കൂടുതല് വഷളാകും. സര്ക്കാര് സഹായം ഇപ്പോള് നല്കിയതൊന്നും സമ്പദ് വ്യവസ്ഥയുടെ ഉത്തേജനത്തിന് പര്യാപ്തമല്ലെന്നും രഘുറാം രാജന് പറഞ്ഞു.