![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
ദുബൈ : സന്ദര്‍ശക വിസയുടെ കാലാവധി കഴിഞ്ഞും യു.എ.ഇയില്‍ തങ്ങുന്നവര്‍ ഇനി മുതല്‍ പിഴ അടക്കേണ്ടിവരുമെന്ന് അധികൃതര്‍. ആദ്യ ദിവസം 200 ദിര്‍ഹമും പിന്നീടുള്ള ഓരോ ദിവസവും 100 ദിര്‍ഹം വീതവുമാണ് പിഴ. എന്നാല്‍, മുന്‍കാലങ്ങളിലെ പിഴകൂടി ഈടാക്കുമോ എന്ന കാര്യത്തില്‍ വ്യക്തതയില്ല.
മാര്‍ച്ച്‌ ഒന്നിനുശേഷം വിസിറ്റിങ് വിസയുടെ കാലാവധി തീര്‍ന്ന സന്ദര്‍ശക വിസക്കാര്‍ക്ക് യു.എ.ഇ, സെപ്റ്റംബര്‍ 11 വരെ സൗജന്യമായി വിസ കാലാവധി നീട്ടിനല്‍കിയിരുന്നു. ഭൂരിപക്ഷം പ്രവാസികളും ഇതിനുള്ളില്‍ വിസ പുതുക്കുകയോ രാജ്യം വിടുകയോ ചെയ്തിട്ടുണ്ട്. എന്നാല്‍, കേസുകള്‍മൂലം നാടുവിടാന്‍ കഴിയാത്തവരാണ് ഇനിയും ഇവിടെ തങ്ങുന്നത്.
