പ്രധാനമന്ത്രി നരേന്ദ്ര മോദിയുടെ ജന്മദിനം 17ന്: ശുചീകരണ പ്രവ്ത്തനങ്ങള്ക്ക് തുടക്കംകുറിച്ച് ബി.ജെ.പി.
സിന്ധുമോള് ആര്
ന്യൂഡല്ഹി: പ്രധാനമന്ത്രി നരേന്ദ്ര മോദിക്ക് പതിനേഴിന് എഴുപതു വയസ് തികയും. ഇതോടനുബന്ധിച്ച് ഒരാഴ്ച നീണ്ടുനില്ക്കുന്ന പ്രചാരണ പരിപാടികളുമായി ബിജെപി. സേവ് സപ്ത എന്ന പ്രചാരണ പരിപാടിക്ക് പടിഞ്ഞാറന് ഉത്തര്പ്രദേശിലെ ചാപ്രൗളി ഗ്രാമത്തില് ബിജെപി അധ്യക്ഷന് ജെ.പി. നഡ്ഡ തുടക്കം കുറിച്ചു.
പ്രധാനമന്ത്രി നരേന്ദ്രമോദിയുടെ ജീവിതം ജനങ്ങളുടെയും രാജ്യത്തിന്റെയും സേവനത്തിനായി മാറ്റിവച്ചതാണെന്നും 2014-ല് അധികാരത്തിലേറിയശേഷം രാഷ്ട്രീയസംസ്കാരത്തില് അദ്ദേഹത്തിന് വലിയമാറ്റം വരുത്താന് സാധിച്ചു. അതിനാല് ബിജെപി സെപ്റ്റംബര് 14 മുതല് 20 വരെ സേവാ സപ്തതി ആഴ്ചയായി ആചരിക്കുകയാണെന്നു ജെ.പി നഡ്ഡ പറഞ്ഞു. ജനപ്രതിനിധികള് തങ്ങള്ക്കുപകരം ജനങ്ങളെ സേവിക്കാന്തുടങ്ങിയത് മോദി ഭരണത്തില്വന്നതിനുശേഷമാണ്. കേന്ദ്രത്തില് ബി.ജെ.പി. അധികാരത്തില് വരുന്നതിനുമുമ്പും അതിനുശേഷവും രാഷ്ട്രീയത്തില് വന്ന വ്യത്യാസം ജനം തിരിച്ചറിഞ്ഞിട്ടുണ്ടെന്നും അദ്ദേഹം പറഞ്ഞു. ബിജെപി പ്രവര്ത്തകര് എല്ലാ ജില്ലകളിലും ശുചീകരണ പ്രവര്ത്തനങ്ങള് നടത്തണമന്നും രക്തവും പ്ലാസ്മയും ദാനം ചെയ്യണമെന്നും ജെ.പി. നഡ്ഡ നിര്ദേശിച്ചു.