![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
തിരുവനന്തപുരം: ഉമ്മന്‍ ചാണ്ടിയുടെ നിയമസഭാ പ്രവേശനത്തിന്റെ അന്‍പതാം വാര്‍ഷിക ആഘോഷം നാളെ കോട്ടയത്ത് നടക്കും. കോട്ടയം മാമ്മന്‍ മാപ്പിള ഹാളില്‍ നടക്കുന്ന പരിപാടി കോണ്‍ഗ്രസ് അധ്യക്ഷ സോണിയാ ഗാന്ധി ഓണ്‍ലൈനിലൂടെ ഉദ്ഘാടനം ചെയ്യും. രാഹുല്‍ ഗാന്ധി, എ.കെ ആന്റണി തുടങ്ങി ദേശീയ നേതാക്കള്‍ ഓണ്‍ലൈനിലൂടെ ആഘോഷത്തില്‍ ചേരും. കൊവിഡ് പ്രോട്ടോകോള്‍ പാലിച്ച്‌ നടത്തുന്ന ചടങ്ങില്‍ ക്ഷണിക്കപ്പെട്ട അതിഥികള്‍ക്ക് മാത്രമായിരിക്കും പ്രവേശനം. വിപുലമായ ക്രമീകരണങ്ങളാണ് സുകൃതം സുവര്‍ണ്ണം എന്ന് പേരിട്ട പരിപാടിക്കായി നടത്തിയിട്ടുള്ളത്.
അതേസമയം, ഉമ്മന്‍ ചാണ്ടി നിയമസഭാ സമാജികനെന്ന നിലയില്‍ 50 വര്‍ഷം പൂര്‍ത്തിയാക്കുന്ന പശ്ചാത്തലത്തില്‍ രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ഡലവപ്പ്മെന്‍റ് സ്റ്റഡീസ്( ആര്‍ജിഐഡിഎസ്) തിരുവനന്തപുരത്ത് സെമിനാര്‍ സംഘടിപ്പിക്കുന്നു. 19 ന് 10 മണിയ്ക്ക് സെമിനാര്‍ കേരള ഗവര്‍ണര്‍ മുഹമ്മദ് ആരിഫ് ഖാന്‍ ഉദ്ഘാടനം ചെയ്യും. ഇന്‍സ്റ്റിറ്റ്യൂട്ട് ചെയര്‍മാന്‍ രമേശ് ചെന്നിത്തല അധ്യക്ഷത വഹിക്കുന്ന സെമിനാറില്‍ കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍, സിപിഎം പോളിറ്റ്ബ്യൂറോ അംഗം എം.എ.ബേബി, മന്ത്രി വി.എസ്. സുനില്‍ കുമാര്‍, കെപിസിസി വൈസ് പ്രസിഡന്‍റ് ജോസഫ് വാഴക്കന്‍ എന്നിവരും പ്രസംഗിക്കും.
