സ്വദേശികള്ക്ക് കൂടുതല് തൊഴിലവസരങ്ങള് ലഭ്യമാക്കാന് നിര്ദേശം
സിന്ധുമോള് ആര്
മസ്കത്ത്: സ്വദേശികള്ക്ക് കൂടുതല് തൊഴിലവസരങ്ങള് ലഭ്യമാക്കാന് സൂര് വ്യവസായ മേഖലയിലെ കമ്പനികളോട് തൊഴില് മന്ത്രാലയം നിര്ദേശിച്ചു. കഴിഞ്ഞ ദിവസം വ്യവസായ നഗരം സന്ദര്ശിച്ച തൊഴില് വകുപ്പ് അണ്ടര് സെക്രട്ടറി ശൈഖ് നാസര് അല് ഹുസ്നി സ്വദേശികള്ക്ക് തൊഴില് ലഭ്യമാക്കുന്നതു സംബന്ധിച്ച് കര്മപദ്ധതി തയാറാക്കാന് കമ്പനികളോട് ആവശ്യപ്പെട്ടു.
ഒമാന് എല്.എന്.ജി, ഒമാന് ഇന്ത്യ ഫെര്ട്ടിലൈസര് കമ്പനികളും അണ്ടര് സെക്രട്ടറി സന്ദര്ശിച്ചു. സൂര് വ്യവസായ മേഖലയിലെ ജനറല് ഡയറക്ടര് എന്ജിനീയര് അബ്ദുല് ഖാദിര് ബിന് സാലെം അല് ബലൂഷിയുമായി അണ്ടര് സെക്രട്ടറി കൂടിക്കാഴ്ച നടത്തിയതായി തൊഴില് മന്ത്രാലയം അറിയിച്ചു. മിഡില്, ഹയര് തസ്തികകളില് സ്വദേശികളെ നിയമിക്കുന്ന വിഷയത്തില് തീരുമാനമായതായും മന്ത്രാലയം പ്രസ്താവനയില് അറിയിച്ചു.