കൊറോണ വാക്‌സിനായ സ്പുട്നിക് റഷ്യ പൊതുജനങ്ങള്‍ക്ക് വിതരണം ചെയ്‌തു തുടങ്ങി
![“Manju”](https://santhigirinews.org/wp-content/uploads/2020/04/YOUTUBE.jpg")
സിന്ധുമോള്‍ ആര്‍
മോസ്കോ : റഷ്യയുടെ കോവിഡ് വാക്സീന്‍ ആയ സ്പുട്നിക് അഞ്ചാമന്റെ ആദ്യ ബാച്ചുകള്‍ തലസ്ഥാനമായ മോസ്കോയിലെ പൊതുജനങ്ങള്‍ക്ക് വിതരണം തുടങ്ങി . വാക്സീന്‍ ബാച്ചുകള്‍ പൊതുവിതരണത്തിനായി നിര്‍മിക്കുന്നുണ്ടെന്നും വിവിധ പ്രദേശങ്ങളിലേക്ക് ഉടന്‍ വിതരണം ചെയ്യുമെന്നും റഷ്യന്‍ ആരോഗ്യ മന്ത്രാലയം അറിയിച്ചിരുന്നു . ഇന്ത്യയടക്കമുള്ള രാജ്യങ്ങള്‍ക്ക് ഇത് ആശ്വാസകരമാണ്. വൈറസ് ബാധ തടയുന്നതിനുള്ള ആദ്യ ബാച്ച്‌ , റഷ്യന്‍ ആരോഗ്യ മന്ത്രാലയത്തിന്റെ ഗമാലിയ റിസര്‍ച്ച്‌ ഇന്‍സ്റ്റിറ്റ്യൂട്ട് ഓഫ് എപ്പിഡെമിയോളജി ആന്‍ഡ് മൈക്രോബയോളജി വികസിപ്പിച്ചെടുത്ത ഗാം-കോവിഡ്-വാക് (സ്പുട്നിക് വി) റോസ്ഡ്രാവ്നാഡ്‌സറിന്റെ ലബോറട്ടറികളില്‍ ആവശ്യമായ ഗുണനിലവാര പരിശോധനകള്‍ വിജയിച്ചിരുന്നു . ഇതിന്റെ പശ്ചാത്തലത്തിലാണ് വാക്‌സിന്‍ വിതരണം ചെയ്യുമെന്ന് ആരോഗ്യ മന്ത്രാലയം അറിയിച്ചത്.
അതേസമയം ഇന്ത്യന്‍ ഫാര്‍മസ്യൂട്ടിക്കല്‍ കമ്പനിയായ ഡോ. റെഡ്ഡീസ് ലബോറട്ടറീസ് ലിമിറ്റഡുമായി ആര്‍‌ഡി‌എഫ് കരാര്‍ ഒപ്പിട്ടതിനാല്‍ സ്പുട്നിക് വി വാക്സീന്റെ അവസാനഘട്ട ക്ലിനിക്കല്‍ പരീക്ഷണങ്ങളും വരും ആഴ്ചകളില്‍ ഇന്ത്യയില്‍ നടത്തും.
