നിര്മാണത്തിലിരിക്കുന്ന വീട്ടില് മോഷണം; മോഷ്ടാക്കള് അറസ്റ്റില്
സിന്ധുമോള് . ആര്
മലപ്പുറം: നിര്മാണത്തിലിരിക്കുന്ന വീട്ടില് മോഷണം നടത്തിയ സംഭവത്തില് മൂന്ന് പേര് അറസ്റ്റില്. 30,000 രൂപ വിലമതിക്കുന്ന വൈദ്യുതീകരണത്തിനുള്ള കോപ്പര് വയറുകളും കോപ്പര് കമ്പികളും മോഷ്ടിച്ചവരും മോഷണ മുതല് വാങ്ങിയ ആളേയുമാണ് മലപ്പുറം പൊലീസ് പിടികൂടിയത്.
പട്ടര്ക്കടവ് സ്വദേശികളായ ഫൈസല് (40), അജിത്ത് (30) എന്നിവരെയും മോഷണ മുതല് വാങ്ങിയ പടിഞ്ഞാറ്റുംമുറി സ്വദേശി അനീസിനെയും (24) ആണ് പിടികൂടിയത്. സെപ്റ്റംബര് 24നാണ് പട്ടര്ക്കടവിലെ അബ്ദുറഹ്മാന്റെ നിര്മാണത്തിലിരിക്കുന്ന വീട്ടില് നിന്ന് മോഷണം നടന്നത്. ഇന്സ്പെക്ടര് എ. പ്രേംജിത്ത്, എസ്.ഐ മുഹമ്മദ്, എ.എസ്.ഐ ബൈജു, സിവില് പൊലീസ് ഓഫിസര്മാരായ ഷിന്സ് ആന്റണി, രജനി ഹരിലാല്, ജസീര് അടങ്ങുന്ന സംഘമാണ് പ്രതികളെ പിടികൂടിയത്.