ലൈഫ് മിഷന് കോഴ: ബാങ്ക് ജീവനക്കാരെ സിബിഐ ചോദ്യം ചെയ്തു
സിന്ധുമോള് . ആര്
കൊച്ചി: വടക്കാഞ്ചേരി ലൈഫ് മിഷന് കേസുമായി ബന്ധപ്പെട്ട ആക്സിസ് ബാങ്ക് കരമന ശാഖയിലെ ഉദ്യോഗസ്ഥരെ സിബിഐ ചോദ്യം ചെയ്തു. കൊച്ചിയിലെ ഓഫീസിലേക്ക് വിളിച്ചുവരുത്തിയാണ് ഉദ്യോഗസ്ഥരോട് വിവരങ്ങള് തേടിയത്. ആക്സിസ് ബാങ്കിന്റെ കരമന ശാഖയിലെ യുഎഇ കോണ്സുലേറ്റിന്റെ അക്കൗണ്ട് വഴിയാണ് നിര്മാണ കമ്പനിയായ യുണിടാകിന് 14.5 കോടി രൂപ കൈമാറിയത്.
കരാര് തുകയില് നിന്നും 68 ലക്ഷം രൂപ സ്വര്ണക്കടത്ത് കേസ് പ്രതി സന്ദീപ് നായരുടെ പേരിലുള്ള കമ്പനിയുടെ ആക്സിസ് ബാങ്ക് അക്കൗണ്ടിലേക്ക് നല്കിയെന്ന് യുണിടാക് ഉടമ സന്തോഷ് ഈപ്പന് സമ്മതിച്ചിരുന്നു. വടക്കാഞ്ചേരി ഫ്ലാറ്റ് പദ്ധതി ലഭിക്കാന് സ്വര്ണക്കടത്ത് കേസ് പ്രതി സ്വപ്ന സുരേഷിന് കൈക്കൂലി നല്കിയെന്ന് നേരത്തെ അന്വേഷണത്തില് കണ്ടെത്തിയിരുന്നു. കേസില് കേന്ദ്ര ഏജന്സികളുടെ അന്വേഷണം പുരോഗമിക്കുകയാണ്.