ന്യൂഡല്ഹി: അന്തരിച്ച പ്രധാനമന്ത്രി രാജീവ് ഗാന്ധിയുടെ അവസാന പത്രസമ്മേളനത്തിന്റെ ചിത്രം ട്വിറ്ററില് പങ്കുവെച്ച് കോണ്ഗ്രസ് നേതാവ് അഭിഷേക് സിങ്വി. എതിര്ശബ്ദങ്ങളുയരാതെ ഒരാള് മാത്രം സംസാരിക്കുന്ന ഈ കാലത്ത്, എന്തുമാത്രം വിനീതരായിരുന്നു നമ്മുടെ നേതാക്കളെന്നും എത്ര അതിശയിപ്പിക്കുന്നതായിരുന്നു നമ്മുടെ ജനാധിപത്യമെന്നും ഈ ചിത്രം കാണുമ്പോള് ഓര്മയാവുന്നുവെന്നും കോണ്ഗ്രസ് ദേശീയ വക്താവായ സിങ്വി കുറിച്ചു.രാജീവ് ഗാന്ധി ശ്രീപെരുമ്പത്തൂരില് കൊല്ലപ്പെട്ടിട്ട് മുപ്പതു വര്ഷം പൂര്ത്തിയാവുന്ന ദിനത്തിലാണ് സിങ്വി ചിത്രം പങ്കുവെച്ചത്.
സോഫയില് ഇരിക്കുന്ന രാജീവ് തനിക്ക് ചുറ്റുമുള്ള പത്രക്കാരുടെ ചോദ്യങ്ങള്ക്ക് പ്രസന്നവദനനായി മറുപടി പറയുന്നതാണ് ചിത്രം. രാജീവിന് തൊട്ടരികിലായി നിന്നും ഇരുന്നും മുട്ടുകുത്തിയിരുന്നും പത്രക്കാര് ചോദ്യം ചോദിക്കുന്നുണ്ട്. തമിഴ്നാട്ടിലാണ് ഈ പത്രസമ്മേളനം നടന്നത്