ആദ്യ ഏകദിനത്തിൽ ഓസ്ട്രേലിയൻ വനിതകൾക്ക് വിജയം

ശ്രീജ.എസ്

ന്യൂസിലാണ്ടിനെതിരെ ആദ്യ ഏകദിനത്തില്‍ തകര്‍പ്പന്‍ വിജയം നേടി ഓസ്ട്രേലിയ. ഇന്ന് നടന്ന മത്സരത്തില്‍ ആദ്യം ബാറ്റ് ചെയ്ത ന്യൂസിലാണ്ട് 49.1 ഓവറില്‍ 180 റണ്‍സിന് ഓള്‍ഔട്ട് ആയപ്പോള്‍ ഓസ്ട്രേലിയ 33.4 ഓവറില്‍ 3 വിക്കറ്റ് നഷ്ടത്തില്‍ ലക്ഷ്യം മറികടന്നു. കാറ്റി പെര്‍ക്കിന്‍സ്(32), മാഡി ഗ്രീന്‍(35), ഹെയ്‍ലി ജെന്‍സെന്(21), കാറ്റി മാര്‍ട്ടിന്‍(21) എന്നിവരാണ് ന്യൂസിലാണ്ടിനായി സ്കോറിംഗ് നടത്തിയത്. ഓസീസിന് വേണ്ടി ജോര്‍ജ്ജിയ വെയര്‍ഹാം, ജെസ്സ് ജോനാസ്സെന്‍, സോഫി മോളിനെക്സ് എന്നിവര്‍ രണ്ട് വീതം വിക്കറ്റ് നേടി.