സിന്ധുമോള് . ആര്
ന്യൂഡല്ഹി: ഉത്തര്പ്രദേശിലെ ഹാഥ്രസില് കൂട്ടബലാത്സംഗത്തിനിരയായി കൊല്ലപ്പെട്ട പെണ്കുട്ടിയുടെ വീട് സന്ദര്ശിക്കാനായി കോണ്ഗ്രസ് നേതാക്കളായ രാഹുല് ഗാന്ധിയും പ്രിയങ്ക ഗാന്ധിയും പുറപ്പെട്ടു. നേരത്തേ പെണ്കുട്ടിയുടെ വീട്ടുകാരെ കാണാനുള്ള ഇരുവരുടെയും ശ്രമം യു.പി പൊലീസ് തടഞ്ഞിരുന്നു. പ്രിയങ്ക ഓടിക്കുന്ന വാഹനത്തില് രാഹുലും പിന്നാലെയുള്ള വാഹനങ്ങളില് കോണ്ഗ്രസ് എം.പിമാരും ഡല്ഹിയില്നിന്ന് ഹാഥറസിലേക്ക് പുറപ്പെട്ടിട്ടുണ്ട്..
അതിനിടെ രാഹുലിന്റെ ഒപ്പം പോകാനിരുന്ന കോണ്ഗ്രസ് യു.പി പി.സി.സി അധ്യക്ഷനെ വീട്ടുതടങ്കലിലാക്കി. ഡല്ഹി -നോയിഡ ഡയറക്ട് ഫ്ലൈവേയില് ബാരിക്കേഡുകള് സ്ഥാപിച്ചു. കനത്ത പൊലീസ് വലയത്തിലാണ് യു.പിയും അതിര്ത്തിയും. ഉന്നത പൊലീസ് ഉദ്യോഗസ്ഥരെയും അതിര്ത്തിയില് വിന്യസിച്ചിട്ടുണ്ട്. എന്നാല് അതിര്ത്തിയില് സുരക്ഷ വര്ധിപ്പിക്കുക മാത്രമാണ് ചെയ്തതെന്ന് പൊലീസ് അറിയിച്ചു.