Malappuram
ബൈക്കിലെത്തി വീട്ടമ്മയുടെ മാല മോഷ്ടിച്ച കേസിൽ ചങ്ങരംകുളം സ്വദേശി അറസ്റ്റിൽ
പി.വി.എസ്
മലപ്പുറം: ബൈക്കിലെത്തി വീട്ടമ്മയുടെ മാല തട്ടിപ്പറിച്ച കേസില് ഒരാളെ പൊന്നാനി പൊലീസ് അറസ്റ്റ് ചെയ്തു. ചങ്ങരംകുളം കാഞ്ഞിയൂര് സ്വദേശി നൂര്കലയില് ഹൗസില് ബഷീറാണ് അറസ്റ്റിലായത്.
പൊന്നാനി കണ്ടേന്കുളങ്ങര ക്ഷേത്രത്തിന് സമീപം നടന്നുപോവുകയായിരുന്ന തെയ്യങ്ങാട് സ്വദേശി പ്രസന്നയുടെ മാലയാണ് ബൈക്കിലെത്തിയ മോഷ്ടാവ് തട്ടിപ്പറിച്ചത്. 2019 മേയിലാണ് മോഷണം നടന്നത്. നടുവട്ടത്ത് പലചരക്കുകട നടത്തുന്ന ബഷീര് ഉച്ചക്ക് കട അടച്ചതിന് ശേഷമാണ് മോഷണത്തിനിറങ്ങുന്നത്.