Uncategorized
ലക്കിടി ജവഹര് നവോദയ സ്കൂളില് ഭക്ഷ്യവിഷബാധയെന്ന് സംശയം ; 86 വിദ്യാര്ഥികൾ ചികിത്സ തേടി
വയനാട് : ലക്കിടി ജവഹര് നവോദയ സ്കൂളില് ഭക്ഷ്യവിഷബാധയെന്ന് സംശയം. ഛര്ദ്ദിയും, വയറുവേദനയും അനുഭവപ്പെട്ട 86 വിദ്യാര്ഥികളെ വൈത്തിരി താലൂക്ക് ആശുപത്രിയില് പ്രവേശിപ്പിച്ചു.
12 പേരെ പ്രാഥമിക ചികിത്സ നൽകി വിട്ടയച്ചു.ഇന്നലെ രാത്രിയും ഇന്ന് രാവിലെയുമായാണ് കുട്ടികള് ചികിത്സ തേടിയത്. കുട്ടികളുടെ ആരോഗ്യനില മെച്ചപ്പെട്ട് വരുന്നതായി ഡോക്ടർമാർ വ്യക്തമാക്കി. അഞ്ഞൂറോളം കുട്ടികളാണ് സ്കൂളിൽ താമസിച്ച് പഠിക്കുന്നത്.
കുട്ടികളുടെ സ്രവ സാമ്പിളുകൾ അലപ്പുഴ വൈറോളജി ലാബിലേക്ക് അയച്ചു. റിപ്പോർട്ട് ലഭിച്ച ശേഷമേ ഭക്ഷ്യ വിഷബാധയാണോയെന്ന് സ്ഥിരീകരിക്കാനാകു എന്ന് വയനാട് ഡിഎംഒ വ്യക്തമാക്കി.
ഭക്ഷണത്തിൽ നിന്നാണ് കുട്ടികൾക്ക് ഇത്തരമൊരു ബുദ്ധിമുട്ട് അനുഭവപ്പെട്ടത് എന്ന കാര്യം വ്യക്തമല്ല. ആരോഗ്യവിഭാഗം ഇത് സംബന്ധിച്ച് പരിശോധന നടത്തുമെന്ന് അറിയിച്ചിട്ടുണ്ട്.