പ്രത്യേക സംവിധാനത്തില് തപാല് വോട്ടുകള്
തിരുവനന്തപുരം : ഓരോ തലത്തിലും ലഭിക്കുന്ന മറ്റു തലങ്ങളിലെ തപാല് ബാലറ്റുകള് വോട്ടെണ്ണല് ദിവസം രാവിലെ എട്ടിനു മുമ്ബ് അതത് വരണാധികാരികള്ക്ക് കൈമാറുന്നതിന് പ്രത്യേക മെസഞ്ചര് സംവിധാനമുണ്ടാകും.ഇതിനായി വരണാധികാരികള് തപാല് ബാലറ്റും സത്യപ്രസ്താവനയും അടങ്ങിയ ഫോറം 19, ഫോറം 19 ഇ എന്നീ വലിയ കവറുകളിലെ മേല്വിലാസം മുന്കൂറായി പരിശോധിക്കും. ഓരോ തലത്തിലെയും തപാല് ബാലറ്റുകള് വരണാധികാരികള് മാത്രമേ തുറക്കാന് പാടുള്ളൂ.
ത്രിതല പഞ്ചായത്തുകളില് ഓരോ തലത്തിലെയും സാധാരണ തപാല് ബാലറ്റുകളും പ്രത്യേക തപാല് ബാലറ്റുകളും അതത് വരണാധികാരികളാണ് എണ്ണുക. മുനിസിപ്പാലിറ്റികളില് വരണാധികാരികള് തങ്ങളുടെ ചുമതലയിലുള്ള വാര്ഡുകളുടെ തപാല് വോട്ടുകളാണ് എണ്ണുക.തപാല് വോട്ടുകള് എണ്ണുന്നതിനു മുമ്ബ് തപാല് ബാലറ്റ് അടങ്ങിയ ചെറിയ കവറിനൊപ്പം സാക്ഷ്യപ്പെടുത്തിയ ഫോറം 16 സിയിലുള്ള സത്യപ്രസ്താവനയുണ്ടെന്ന് ഉറപ്പാക്കണം.