നിയമസഭാ തെരഞ്ഞെടുപ്പ്; ബൂത്തുകളുടെ എണ്ണം കൂട്ടും: കേന്ദ്ര തെരഞ്ഞെടുപ്പ് കമ്മീഷൻ

കൊറോണ ആശങ്കകളുണ്ടെങ്കിലും തെരഞ്ഞെടുപ്പ് മികച്ച രീതിയിൽ നടത്താനാകുമെന്ന് കേന്ദ്ര തെരഞ്ഞെടുപ്പ് കമ്മീഷൻ സുനിൽ അറോറ. കേരള നിയമസഭയുടെ കാലാവധി ജൂണ് ഒന്നിന് അവസാനിക്കും. രാഷ്ട്രീയ പാർട്ടികളുമായും ഉദ്യോഗസ്ഥരുമായും കൂടിക്കാഴ്ച നടത്തി. മികച്ച പോളിംഗ് ശതമാനം ആണ് കേരളത്തിൽ കഴിഞ്ഞ തെരഞ്ഞെടുപ്പുകളിൽ രേഖപ്പെടുത്തിയത്. വിഷു, ഈസ്റ്റർ തീയതികൾ കണക്കിലെടുത്തു തെരഞ്ഞെടുപ്പ് തീയതി പ്രഖ്യാപിക്കണം എന്ന് രാഷ്ട്രീയ പാർട്ടികൾ ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു.

അതേസമയം, ഏത് സമയത്തും തെരഞ്ഞെടുപ്പ് നടത്താൻ സംസ്ഥാനം സജ്ജമെന്ന് ചീഫ് സെക്രട്ടറി ബിശ്വാസ് മേത്ത അറിയിച്ചു. തെരഞ്ഞെടുപ്പ് കമ്മീഷനുമായുള്ള ചർച്ചയിലാണ് സർക്കാർ ഇക്കാര്യം അറിയിച്ചത്. കൊറോണ മാനദണ്ഡങ്ങൾ പാലിച്ചാകും തെരഞ്ഞെടുപ്പ് നടത്തുകയെന്നും അദ്ദേഹം പറഞ്ഞു.