സമുദ്രാർത്തി ലംഘനം : ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന പിടികൂടി
കൊളംബോ : സമുദ്രാർത്തി ലംഘിച്ചെന്നാരോപിച്ച് ഒമ്പത് ഇന്ത്യൻ മത്സ്യത്തൊഴിലാളികളെ ശ്രീലങ്കൻ നാവികസേന പിടികൂടി. മത്സ്യത്തൊഴിലാളികളുടെ ബോട്ടും നാവികസേന പിടിച്ചെടുത്തു . മറ്റൊരു സംഭവത്തിൽ ലങ്കൻ നേവി ഉദ്യോഗസ്ഥരും മത്സ്യബന്ധന വലയ്ക്ക് കേടുപാടുകൾ വരുത്തിയെന്നാണ് ആരോപണം.
പാൽക് കടലിടുക്കിനു സമീപമുള്ള നെടുൻതീവിന് സമീപത്തുവെച്ചാണ് മത്സ്യത്തൊഴിലാളികളെ അറസ്റ്റ് ചെയ്തത്. കച്ചത്തീവിന് സമീപം സമുദ്രാതിർത്തി ലംഘിച്ച് മത്സ്യ ബന്ധനം നടത്തിയെന്നാരോപിച്ച് ലങ്കൻ നാവികസേന മറ്റ് ബോട്ടുകളിലെ മത്സ്യവല നശിപ്പിച്ചതായും ഫിഷറീസ് അധികൃതർ പറഞ്ഞു.
ഇന്ത്യൻ മത്സ്യത്തൊഴിലാളികളുടെ ബോട്ടുകൾക്ക് നേരെ കല്ലും കുപ്പിയും എറിഞ്ഞതായും പറയുന്നു. ശ്രീലങ്കൻ നാവിക സേനയുടെ നടപടികൾ അംഗീകരിക്കാൻ പ്രയാസമാണെന്ന് മത്സ്യത്തൊഴിലാളി സംഘടന നേതാവ് സെസുരാജ പറഞ്ഞു.
ലങ്കന് നാവികസേനയുടെ ഭാഗത്ത് നിന്നും സമാനമായ സംഭവങ്ങള് ഉണ്ടായിട്ടുണ്ട്. അന്നും ഇന്ത്യ ശക്തമായ പ്രതിഷേധം അറിയിച്ചിരുന്നു.