രഞ്ജി ട്രോഫി: കേരളത്തിന് 214 റണ്‍സ് വിജയലക്ഷ്യം

രാജ്‌കോട്ട്: ഉമംഗ് കുമാറിന്റെയും കരണ്‍ പട്ടേലിന്റെയും മികവില്‍ ഗുജറാത്ത് രഞ്ജി ട്രോഫി എലൈറ്റ് ഗ്രൂപ്പ് എയിലെ രണ്ടാം ഇന്നിംഗ്‌സില്‍ 264 റണ്‍സ് നേടി. 128/5 എന്ന നിലയില്‍ പുനരാരംഭിച്ച ഗുജറാത്ത് അവസാന ദിനം ഉച്ചഭക്ഷണത്തിന് ശേഷം 264 റണ്‍സിന് പുറത്തായി. 51 റണ്‍സിന്റെ ഒന്നാം ഇന്നിംഗ്‌സ് ലീഡ് വഴങ്ങിയ ആതിഥേയര്‍ക്ക് 214 റണ്‍സാണ് വിജയലക്ഷ്യം.

ഉമംഗും (70), കരണ്‍ (81) രാവിലെ സെഷനില്‍ കേരള ബൗളര്‍മാരെ തടഞ്ഞു. ആറാം വിക്കറ്റില്‍ 138 റണ്‍സ് കൂട്ടിച്ചേര്‍ത്തു. കരണിനെ സിജോമോന്‍ ജോസഫ് പുറത്താക്കിയതോടെ ആതിഥേയര്‍ക്ക് 42 റണ്‍സിന് അവസാന അഞ്ച് വിക്കറ്റുകള്‍ നഷ്ടമായി. സ്പിന്നര്‍മാരായ ജലജ് സക്‌സേന (4/57), സിജോമോന്‍ (3/48) എന്നിവരാണ് കേരളത്തിനായി വിക്കറ്റുകള്‍ നേടിയത്.