ഇന്നും നാളെയും കെഎസ്‌ആര്‍ടിസി കൂടുതല്‍ സര്‍വീസുകള്‍ നടത്തും

തിരുവനന്തപുരം: ഇന്നും നാളെയും സംസ്ഥാനത്ത് നടക്കുന്ന പരീക്ഷയ്ക്കായി കൂടുതല്‍ സര്‍വീസുകള്‍ നടത്തുവാന്‍ കെഎസ്‌ആര്‍ടിസി. സംസ്ഥാനത്തിന്റെ വിവിധയിടങ്ങളിലായി ഇന്നും നാളെയും വിവിധ പരീക്ഷകള്‍ നടക്കുന്നുണ്ട്. എസ്.സി ഡെവലപ്മെന്റ് ഓഫീസര്‍ ​ഗ്രേഡ് 2 , ജില്ലാ മാനേജര്‍ എന്നീ പി.എസ്.സി പരീക്ഷകളാണ് ഇന്ന് നടക്കുന്നത്. തിരുവനന്തപുരം , കൊച്ചി എന്നിവിടങ്ങളിലെ ഇരുപത് സെന്ററുകളിലായി സെന്‍ട്രല്‍ ആര്‍മിഡ് പോലീസ് ഫോഴ്സിലേക്കുള്ള പ്രവേശന പരീക്ഷ നാളെയും നടക്കും.

കോവിഡ് മാനദണ്ഡങ്ങള്‍ പാലിച്ച്‌കൊണ്ട് പരീക്ഷാര്‍ഥികള്‍ക്ക് കൃത്യ സമയത്ത് തന്നെ പരീക്ഷാ സെന്ററുകളില്‍ എത്തിച്ചേരാനുള്ള ക്രമീകരണങ്ങള്‍ ഒരുക്കി നല്‍കിയിട്ടുണ്ട്. ശനി , ഞായര്‍ ദിവസങ്ങളില്‍ കൂടുതല്‍ കെഎസ്‌ആര്‍ടിസി സര്‍വീസുകള്‍ സംസ്ഥാനത്തിന്റെ വിവിധ ഡിപ്പോകളില്‍ നിന്നും റെയില്‍വെ സ്റ്റേഷനുകളില്‍ നിന്നും ഓപ്പറേറ്റ് ചെയ്യുമെന്ന് കെഎസ്‌ആര്‍ടിസി അറിയിച്ചിട്ടുണ്ട്. www.online.keralartc.com എന്ന വെബ് സൈറ്റിലും ‘Ente KSRTC’ എന്ന മൊബൈല്‍ ആപ്പിലൂടെയും യാത്രക്കാര്‍ക്ക് മുന്‍കൂട്ടി ബുക്കിംഗ് നടത്തുവാനും സാധിക്കും.