ഇരിട്ടി: അയ്യങ്കുന്ന് കോണ്ഗ്രസില്നിന്ന് പ്രവര്ത്തകരുടെ കൂട്ടരാജി. 19 പ്രവര്ത്തകര് കുടുംബസമേതം രാജിെവച്ച് സി.പി.എമ്മില് പ്രവര്ത്തിക്കാന് തീരുമാനിച്ചു. രാജിവെച്ചവരെയും തദ്ദേശ തെരഞ്ഞെടുപ്പില് വിജയിച്ച എല്.ഡി.എഫ് പ്രതിനിധികളെയും ആനയിച്ച് ആനപ്പന്തിയില് പ്രകടനവും പൊതുയോഗവും നടത്തി.
സി.പി.എം ബ്രാഞ്ച് ഓഫിസ് ഉദ്ഘാടനവും സ്വീകരണ പൊതുസമ്മേളനം ഉദ്ഘാടനവും ജില്ല സെക്രട്ടറി എം.വി. ജയരാജന് നിര്വഹിച്ചു. സിബി വാഴക്കാല അധ്യക്ഷത വഹിച്ചു.ജില്ല കമ്മിറ്റി അംഗങ്ങളായ കെ. ശ്രീധരന്, സി.വി. ശശീന്ദ്രന്, ഏരിയ സെക്രട്ടറി കെ.വി. സക്കീര് ഹുസൈന്, പി.കെ. അനന്തന്, കെ.ജെ. സജീവന്, എന്.ഐ. സുകുമാരന്, ബിജു വര്ഗീസ്, പി.ജി. സജു എന്നിവര് സംസാരിച്ചു.
ജോബി കാഞ്ഞമല, ജോസ് കാഞ്ഞമല, ബാലകൃഷ്ണന്, അബ്രഹാം കുഴിയാട്ട് തുടങ്ങി പ്രമുഖ കോണ്ഗ്രസ് പ്രവര്ത്തകരാണ് പാര്ട്ടി വിട്ടത്. യു.ഡി.എഫും കോണ്ഗ്രസും തുടരുന്ന ജനവിരുദ്ധ നിലപാടില് പ്രതിഷേധിച്ചാണ് കൂട്ടരാജിയെന്ന് ഇവര് പറഞ്ഞു. ജനപ്രതിനിധികളായ ബിജോയ് പ്ലാത്തോട്ടം, സിബി വാഴക്കാല, ഷൈനി വര്ഗീസ് എന്നിവര്ക്ക് സ്വീകരണവുമുണ്ടായി.