സിന്ധുമോൾ. ആർ
രാജ്യത്ത് ആദ്യ ദിനം വാക്സിന് നല്കിയത് 1.65 ലക്ഷം പേര്ക്ക്.വാക്സിന് എടുത്ത ആരെയും പാര്ശ്വഫലങ്ങളാല് ആശുപത്രിയില് പ്രവേശിപ്പിക്കേണ്ടി വന്നിട്ടില്ലെന്നും ആരോഗ്യമന്ത്രാലയം വ്യക്തമാക്കി. കേരളത്തില് 7,206 പേരാണ് വാക്സിന് എടുത്തത്. ആന്ധ്രപ്രദേശിലാണ് ഏറ്റവും കൂടുതല് പേര്ക്ക് വാക്സിന് നല്കിയത്.
കോവിഷീല്ഡ് വാക്സിനാണ് രാജ്യത്തെ രജിസ്റ്റര് ചെയ്ത ആരോഗ്യപ്രവര്ത്തകര്ക്ക് നല്കുന്നത്. കേരളത്തില് 133 കേന്ദ്രങ്ങളിലാണ് വാക്സിനേഷന്. എറണാകുളം ജില്ലയില് 12ഉം തിരുവനന്തപുരം, കോഴിക്കോട് ജില്ലകളില് 11 വീതവും കേന്ദ്രങ്ങളാണുള്ളത്. മറ്റു ജില്ലകളില് ഒമ്പതുവീതവും. രജിസ്റ്റര് ചെയ്ത ആരോഗ്യപ്രവര്ത്തകര്ക്ക് മാത്രമാണ് ഇപ്പോള് വാക്സിന് നല്കുക. വാക്സിന് നല്കാന് ഒരാള്ക്ക് നാലുമുതല് അഞ്ചു മിനിറ്റ് വരെയാണ് സമയമെടുക്കുന്നത്. ഓരോ വ്യക്തിക്കും 0.5 എം.എല് കോവിഷീല്ഡ് വാക്സിനാണ് നല്കുന്നത്. ആദ്യ ഡോസിന് 28 ദിവസം കഴിഞ്ഞാണ് അടുത്ത ഡോസ് നല്കുക.