Latest
ഇന്തോനേഷ്യന് ഭൂചലനം: മരണസംഖ്യ 78 ആയി
സിന്ധുമോൾ. ആർ
ഇന്തോനേഷ്യയില് കഴിഞ്ഞ ദിവസമുണ്ടായ ഭൂകമ്പത്തില് മരണസംഖ്യ 78 ആയി ഉയര്ന്നു. വെള്ളിയാഴ്ച രാത്രി സുലവേസി ദ്വീപിലെ മാമുജു നഗരത്തിലും സമീപ നഗരമായ മജെനേയിലുമാണ് 6.2 തീവ്രത രേഖപ്പെടുത്തിയ ഭൂകമ്പം അനുഭവപ്പെട്ടത്. ഭൂകമ്പത്തില് നിരവധി കെട്ടിടങ്ങളും വീടുകളും തകര്ന്നിരുന്നു. നഗരത്തില് വൈദ്യുത, ടെലിഫോണ് ബന്ധം ഇതുവരെ പൂര്ണമായി പുനഃസ്ഥാപിക്കാന് സാധിച്ചിട്ടില്ല.
ഭൂചലനത്തില് 800ഓളം പേര്ക്ക് പരിക്കേല്ക്കുകയും ചെയ്തു. നിരവധി പേര് അത്യാസന്ന നിലയില് ആശുപത്രികളില് ചികിത്സയിലാണ്. മാമുജുവില് 47 പേരും മജേനെയില് ഏഴുപേരുമാണ് മരിച്ചതെന്ന് ദേശീയ ദുരന്ത നിവാരണ ഏജന്സി വക്താവ് പറഞ്ഞു.415 വീടുകളാണ് മജേനെയില് തകര്ന്നത്.