![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
മുംബൈ: മുകേഷ് അംബാനിയുടെ ഉടമസ്ഥതയിലുള്ള റിലയന്‍സ് ഇന്‍ഡസ്ട്രീസിന്റെ മൂന്നാം പാദലാഭത്തില്‍ 12.5 ശതമാനം വര്‍ധനവുണ്ടായെന്ന് റിപ്പോര്‍ട്ടുകള്‍ .13,101 കോടിയായാണ് ലാഭം. അതേസമയം, കമ്പനിയുടെ വരുമാനം 22 ശതമാനം ഇടിഞ്ഞ് 128,450 കോടിയായി. കഴിഞ്ഞ സാമ്പത്തിക വര്‍ഷത്തിന്റെ മൂന്നാം പാദത്തില്‍ 11,640 കോടിയായിരുന്നു റിലയന്‍സ് കൊയ്തത് .
കോവിഡ് പ്രതിസന്ധി ഉയര്‍ത്തിയപ്പോഴും 50,000ത്തോളം പുതിയ തൊഴിലുകള്‍ സൃഷ്ടിക്കാന്‍ ഏപ്രില്‍-ഡിസംബര്‍ കാലയളവില്‍ റിലയന്‍സിന് കഴിഞ്ഞുവെന്ന് കമ്പനി അറിയിച്ചു. റിലയന്‍സിന്റെ സഹ കമ്പനിയായ ജിയോയുടെ ലാഭം 15 ശതമാനം ഉയര്‍ന്നിട്ടുണ്ട്. 3,489 കോടിയായാണ് ജിയോയുടെ ലാഭം ഉയര്‍ന്നത്.
കാലാവസ്ഥവ്യതിയാനത്തിനെതിരായ പോരാട്ടം റിലയന്‍സിന് പുതിയ അവസരങ്ങള്‍ തുറന്നിടും. പുതിയ ഊര്‍ജസ്രോതസുകളുടേയും വസ്തുക്കളുടേയും ബിസിനസിലേക്ക് റിലയന്‍സ് കടക്കുമെന്നും അംബാനി പറഞ്ഞു.
