പീച്ചി അണക്കെട്ടിൽ നിന്നും വെള്ളം തുറന്നു വിടും

തൃശൂർ: പീച്ചി അണക്കെട്ടിൽ നിന്നും നാളെ വെള്ളം തുറന്നു വിടുന്നതിനാൽ നദിക്കരയിൽ താമസിക്കുന്നവർ ജാഗ്രത പാലിക്കണമെന്ന് മുന്നറിയിപ്പ്. ജില്ലാ കളക്ടറാണ് മുന്നറിയിപ്പ് നൽകിയത്. കാർഷിക ആവശ്യങ്ങൾക്കായി രാവിലെ 11 മണിക്കാണ് അണക്കെട്ടിൽ നിന്നും വെള്ളം തുറന്നു വിടുന്നത്.

പീച്ചി അണക്കെട്ടിന്റെ റിവർ സൂയസ് വാൽവുകൾ തുറന്നാണ് വെള്ളം പുറത്തേക്ക് ഒഴുക്കി വിടുന്നത്. രണ്ട് മില്യൻ ക്യൂബിക് മീറ്റർ വെള്ളം പീച്ചി ഡാമിൽ നിന്നും തുറന്നു വിടും.