ആളെക്കൊല്ലാൻ ശേഷിയുള്ള ‘ബ്ലൂബോട്ടിലുകൾ’ കരയ്ക്കടിയുന്നു

സിഡ്നി: തീരദേശവാസികൾക്ക് ഭീഷണിയായി ബ്ലൂബോട്ടിലുകൾ. ഓസ്ട്രേലിയയിലെ ബീച്ചുകൾക്ക് ഭീഷണിയായി ആയിരക്കണക്കിന് ബ്ലൂബോട്ടിലുകളാണ്  ഓസ്ട്രേലിയൻ ചത്തുതീരത്തടിയുന്നത് . ഇവയുടെ വിഷമേറ്റാൻ മിനിട്ടുകൾക്കകം ചികിത്സ ഉറപ്പാക്കിയില്ലെങ്കിൽ മരണം വരെ സംഭവിക്കാം . ഈർപ്പം നിലനിൽക്കുന്ന അന്തരീക്ഷത്തിൽ ഇവയുടെ വിഷം നിറഞ്ഞ ടെന്റക്കിളിന് ആഴ്ചകളും മാസങ്ങളും വരെ നിലനിൽക്കാനുമാകും. അതിനാൽത്തന്നെ ചത്തു തീരത്തടിഞ്ഞ ബ്ലൂ ബോട്ടിലുകളെപ്പോലും തൊടരുതെന്നാണ് മുന്നറിയിപ്പ്. ഇവയ്ക്കു പോലും കുത്താനുള്ള ശേഷിയുണ്ട് .

ബ്ലൂ ബോട്ടിലുകളിൽത്തന്നെ രണ്ട് വിഭാഗമുണ്ട് . അറ്റ്‌ലാന്റിക് പോർചുഗീസ് മാൻ ഓഫ് വാർ എന്ന ഫിസാലിയ ഫിസാലിസും , ഇൻഡോ–പസഫിക് എന്ന ഫിസാലിയ യുട്രിക്കുലസും . അറ്റത്ത് വിഷം നിറഞ്ഞ, നീളത്തിലുള്ള ഒരൊറ്റ ടെന്റക്കിൾ ആണ് ഇരയെ കുത്തിക്കൊല്ലാൻ സഹായിക്കുന്നത്

ഇവയുടെ കുത്തേറ്റാൽ കൃത്യമായ പ്രാഥമിക ചികിത്സ ഉടൻ ഉറപ്പാക്കണം . അതേ സമയം ഏതെങ്കിലും വിധത്തിലുള്ള അലർജിയോ ഹൃദയസംബന്ധിയായ രോഗങ്ങളോ ഉള്ളവർക്കാണ് കുത്തേറ്റതെങ്കിൽ എത്രയും പെട്ടെന്ന് ചികിത്സ ലഭ്യമാക്കിയില്ലെങ്കിൽ മരണം സംഭവിക്കാം .