ബിഹാറില് എട്ടുവയസുകാരി പ്ലാസ്റ്റിക് വിസില് തൊണ്ടയില് കുടുങ്ങി മരിച്ചു. മുങ്കേര് ജില്ലയിലാണ് സംഭവം. പ്ലാസ്റ്റിക് വിസിലുമായി കളിക്കുന്നതിനിടെയായിരുന്നു ഖുശ്ബുവിന് അപകടമുണ്ടായത്. വിസില് തൊണ്ടയില് കുരുങ്ങുകയായിരുന്നു. ഉടന് തന്നെ രക്ഷിതാക്കള് അടുത്തുള്ള പ്രാഥമികാരോഗ്യ കേന്ദ്രത്തില് കൊണ്ടുപോയി. അവിടെ നിന്നും വിദഗ്ധ ചികിത്സയ്ക്കായി ബാഗല്പൂരിലെ ജില്ലാ ആശുപത്രിയിലേക്കും മാറ്റി.
എന്നാല് ആ സമയത്ത് ആശുപത്രിയില് ഡോക്ടര്മാര് ഉണ്ടായിരുന്നില്ല. തുടര്ന്ന് പറ്റ്നയിലെ മെഡിക്കല് കോളജിലേക്ക് മാറ്റുകയായിരന്നു.മെഡിക്കല് കോളജിലേക്ക് കൊണ്ടുപോകാന് ജില്ലാ ആശുപത്രി അധികൃതര് ആംബുലന്സ് അനുവദിക്കാത്തതിനെ തുടര്ന്ന് ഓട്ടോറിക്ഷയിലായിരുന്നു ബന്ധുക്കള് കുട്ടിയെ കൊണ്ടുപോയത്. മെഡിക്കല് കോളജില് എത്തിക്കുന്നതിനിടെ മരണം സംഭവിക്കുകയും ചെയ്തു. ‘