![](https://i0.wp.com/santhigirinews.org/wp-content/uploads/2021/02/rakesh-tikayath-750x420-1.jpg?resize=750%2C420&ssl=1)
ന്യൂഡൽഹി : കാർഷിക നിയമങ്ങൾ പിൻവലിക്കാതെ പ്രതിഷേധം അവസാനിപ്പിക്കില്ലെന്ന് ഭാരതീയ കിസാൻ യൂണിയൻ നേതാവ് രാകേഷ് ടികായത്. കാർഷിക നിയമങ്ങളുമായി കേന്ദ്രസർക്കാർ മുന്നോട്ട് പോകുകയാണെങ്കിൽ 2024 വരെ പ്രതിഷേധം തുടരുമെന്നും ടികായത് പറഞ്ഞു. പ്രതിഷേധ പരിപാടിയിൽ സംസാരിക്കുന്നതിനിടെയാണ് ടികായത് ഇക്കാര്യം അറിയിച്ചത്.
പ്രതിഷേധത്തിന്റെ പേരിൽ ഡൽഹിയിലെ ജനങ്ങളെ ബുദ്ധിമുട്ടിലാക്കിയിട്ടില്ല. പ്രദേശത്തെ ജനങ്ങളും പ്രതിഷേധത്തിന്റെ ഭാഗമായിരിക്കുകയാണെന്നും ടികായത് കൂട്ടിച്ചേർത്തു.
അതേസമയം പ്രതിഷേധം ദുർബലപ്പെടുന്നുവെന്ന റിപ്പോർട്ടുകൾ പുറത്തുവന്നതിന് പിന്നാലെയാണ് പ്രതിഷേധം ശക്തമാക്കുമെന്ന് ആവർത്തിച്ച് ടികായത് രംഗത്ത് വന്നിരിക്കുന്നത്. പ്രതിഷേധക്കാർക്കായി സ്ഥാപിച്ച ലങ്കറുകൾ പ്രതിദിനം പ്രദേശത്ത് നിന്നും അപ്രത്യക്ഷമായി വരുകയാണ്. ഇതിന് പുറമേ പിന്തുണ പ്രഖ്യാപിച്ച് എത്തുന്നവരുടെ എണ്ണത്തിലും കുറവുണ്ടായിട്ടുണ്ട്. ഈ സാഹചര്യത്തിൽ അതിർത്തിയിലെ പ്രതിഷേധം അടുത്ത മാസത്തോടെ അവസാനിക്കുമെന്നാണ് വിലയിരുത്തൽ.