ശ്രീജ.എസ്
ന്യൂഡല്ഹി: കോവിഡ് മഹാമാരിക്കെതിരെ വികസിപ്പിച്ചെടുത്ത മരുന്നുമായി വീണ്ടും ബാബാ രാംദേവിന്റെ പതഞ്ജലി ആയുര്വേദ. ‘തെളിവുകളുടെ അടിസ്ഥാനത്തില് വികസിപ്പിച്ചെടുത്ത ആദ്യമരുന്ന്’ കൊറോണില് എന്നാണ് പതഞ്ജലി അവകാശപ്പെടുന്നത്.
ഗവേഷണ രേഖകളും ബാബ രാംദേവ് പുറത്തുവിട്ടു. കേന്ദ്ര ആരോഗ്യമന്ത്രി ഡോ. ഹര്ഷ വര്ധന്, കേന്ദ്രമന്ത്രി നിതിന് ഗഡ്കരി തുടങ്ങിയവര് മരുന്ന് പ്രഖ്യാപന ചടങ്ങില് പങ്കെടുത്തു. ലോകാരോഗ്യ സംഘടനയുടെ നിര്ദേശങ്ങള് അടിസ്ഥാനമാക്കിയാണ് മരുന്ന് നിര്മ്മിച്ചിരിക്കുന്നതെന്നാണ് പതഞ്ജലി അവകാശപ്പെടുന്നത്.
അതെ സമയം നേരത്തേ സമാന രീതിയില് കോവിഡ് പ്രതിരോധത്തിനെന്ന പേരില് പതഞ്ജലി പുറത്തിറക്കിയ ‘കൊറോണില്’ വിവാദം സൃഷ്ടിച്ചിരുന്നു. എന്നാല് ‘കൊറോണില് ‘കോവിഡ് രോഗം ഭേദമാക്കില്ലെന്ന് തെളിയിച്ചതോടെ ഇതിന്റെ വില്പ്പന തടയുകയായിരുന്നു. രാജ്യത്തിന്റെ തദ്ദേശീയ മരുന്നുകളുടെ വളര്ച്ചക്ക് ചിലര് തടസം നില്ക്കുന്നുവെന്നായിരുന്നു രാംദേവ് അന്ന് പ്രതികരിച്ചത്.