ന്യൂഡല്ഹി: ഇന്ത്യയില് കണ്ടെത്തിയ കൊവിഡ് വകഭേദത്തിന് ‘ഡെല്റ്റ’ എന്ന് പേരിട്ട് ലോകാരോഗ്യ സംഘടന.കൊവിഡ് വകഭേദങ്ങളെ ശാസ്ത്രീയ നാമം ഉപയോഗിച്ച് വിശേഷിപ്പിക്കുന്നത് ബുദ്ധിമുട്ടായതിനാല് അവ കണ്ടെത്തിയ രാജ്യങ്ങളുടെ പേരിലാണ് ഇതുവരെ അറിയപ്പെട്ടിരുന്നത്.
എന്നാല് ഇത്തരത്തില് പുതിയ വൈറസുകളോ വകഭേദങ്ങളോ അവ ആദ്യമായി കണ്ടെത്തിയ രാജ്യങ്ങളുടെ പേരില് അറിയപ്പെടുന്നത് വഴി ആ രാജ്യങ്ങളുടെ പേരിനുണ്ടാകുന്ന കളങ്കം ഒഴിവാക്കാനാണ് ലോകാരോഗ്യ സംഘടനയുടെ ഈ നീക്കം.ലോകാരോഗ്യ സംഘടന വിളിച്ചുചേര്ത്ത വിദഗ്ധ സംഘം ഗ്രീക്ക് അക്ഷരമാലയിലെ അക്ഷരങ്ങള് വൈറസ് വകഭേദങ്ങള്ക്ക് ഉപയോഗിക്കാമെന്ന് ശുപാര്ശ ചെയ്തിരുന്നു. ഇതനുസരിച്ചാണ് പുതിയ നാമകരണം.