കൊവിഡ് പോരാട്ടത്തിൽ ലോകരാജ്യങ്ങളെ മുന്നിൽ നിന്ന് നയിച്ച് ഇന്ത്യ

ന്യൂഡൽഹി: കൊറോണ വൈറസിനെതിരായ ലോകരാജ്യങ്ങളുടെ പോരാട്ടത്തിന് നേതൃത്വം നൽകി ഇന്ത്യ. ഇതുവരെ വിവിധ രാജ്യങ്ങൾക്ക് ഇന്ത്യ 361.94 ലക്ഷം വാക്‌സിൻ ഡോസുകളാണ് വിതരണം ചെയ്തത്. ഇതിൽ 67.5 ലക്ഷം വാക്‌സിൻ ഡോസുകൾ ഇന്ത്യ സഹായമായാണ് വിവിധ രാജ്യങ്ങൾക്ക് നൽകിയത്.

ബംഗ്ലാദേശ്, മ്യാൻമാർ, നേപ്പാൾ, ഭൂട്ടാൻ, മാലദ്വീപ്, മൗറീഷ്യസ്, സീഷെൽസ്, ശ്രീലങ്ക, ബഹ്റൈൻ, ഒമാൻ, അഫ്ഗാനിസ്താൻ, ബാർബെഡോസ്, ഡൊമിനിക്ക എന്നീ രാജ്യങ്ങൾക്കാണ് സഹായം എന്ന നിലയിൽ ഇന്ത്യ ഇതുവരെ വാക്സിൻ നൽകിയത്. ബ്രസീൽ, മൊറോക്കോ, ബംഗ്ലാദേശ്, മ്യാൻമാർ, ഈജിപ്ത്, അൾജീരിയ, ദക്ഷിണാഫ്രിക്ക, കുവൈത്ത്, യുഎഇ എന്നീ രാജ്യങ്ങൾക്കാണ് വാണിജ്യാടിസ്ഥാനത്തിൽ ഇന്ത്യ വാക്സിൻ നൽകിയത്.