![“Manju”](https://santhigirinews.org/wp-content/uploads/2020/04/YOUTUBE.jpg")
പോത്തന്‍കോട് : യാമപ്രാര്‍ത്ഥനയില്‍ സജീവമായി പങ്കെടുത്ത് വടകര ഏരിയയില്‍ ആത്മബന്ധുക്കള്‍. എല്ലാമാസവും 19-ാം തീയതിയാണ് വടകര ഏരിയയിലെ ഗുുഭക്തര്‍ യാമപ്രാര്‍ത്ഥനയ്ക്കായി പോത്തന്‍കോട് ശാന്തിഗിരി ആശ്രമത്തില്‍ എത്തിച്ചേരുന്നത്. രാത്രിമുഴുവന്‍ പ്രാര്‍ത്ഥനാ നിര്‍ഭരമായി കഴിയുന്ന ഭക്തര്‍ രാവിലെ 6 ന്റെ ആരാധനയും തൊഴുത് മടങ്ങുന്നു. ഓരോ ദിവസവും ഓരോ ഏരിയ അടിസ്ഥാനത്തിലാണ് പോത്തന്‍കോട് ശാന്തിഗിരി ആശ്രമത്തില്‍ യാമപ്രാര്‍ത്ഥന നടക്കുന്നത്. വ്യക്തിയ്ക്കും, വീടിനും, നാടിനും രാത്രിയുടെ യാമങ്ങളില്‍ മനസ്സര്‍പ്പിച്ച് പ്രാര്‍ത്ഥിയ്ക്കുന്ന ഭക്തരുടെ പ്രാര്‍ത്ഥന വലിയ മാറ്റങ്ങള്‍ വരുത്തുന്നുവെന്നത് ശാന്തിഗിരിയിലെ യാമപ്രാര്‍ത്ഥനയുടെ സാക്ഷ്യമാണ്.
