ന്യൂഡല്ഹി: രാജ്യത്തിന് ആശങ്കയായി മഹാരാഷ്ട്രയില് വീണ്ടും കോവിഡ് പടര്ന്നു പിടിക്കുന്നു. സംസ്ഥാനത്തെ പ്രതിദിന കോവിഡ് രോഗികളുടെ എണ്ണം 15,817 ആയി ഉയര്ന്നു. ഇന്ന് മുംബൈയില് മാത്രം 1,646 പേര്ക്ക് രോഗം ബാധിച്ചു. 24 മണിക്കൂറിനിടെ 56 പേര് കോവിഡ് ബാധിച്ച് മരിച്ചുവെന്നും അധികൃതര് അറിയിച്ചു.ജനുവരി, ഫെബ്രുവരി മാസങ്ങളില് മുംബൈയിലെ രോഗികളില് 90 ശതമാനവും ഫ്ലാറ്റുകളില് നിന്നും റസിഡന്റ് ഏരിയകളില് നിന്നുമുള്ളവരായിരുന്നു. 10 ശതമാനം മാത്രമാണ് ചേരികളില് നിന്നുള്ള രോഗികള്. എന്നാല്, ഇപ്പോള് ചേരികളില് നിന്നുള്ള രോഗികളുടെ എണ്ണം വര്ധിക്കുകയാണെന്ന് ബൃഹാന്-മുംബൈ കോര്പ്പറേഷന് അധികൃതര് അറിയിച്ചു.
കോവിഡ് രോഗികളുടെ എണ്ണം വര്ധിച്ചതോടെ മുംബൈയുടെ പല പ്രദേശങ്ങളും ലോക്ഡൗണിലേക്ക് നീങ്ങുകയാണ്. സംസ്ഥാനത്ത് പൂര്ണമായും ലോക്ഡൗണിനുള്ള സാധ്യത തള്ളിക്കളയാനാവില്ലെന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ വ്യക്തമാക്കി