![“Manju”](https://santhigirinews.org/wp-content/uploads/2020/04/YOUTUBE.jpg")
ദേശീയ ചലച്ചിത്ര അവാര്‍ഡ് കിട്ടി എന്നത് കൊണ്ട് ബിരിയാണിയെ അവാര്‍ഡ് സിനിമ എന്ന് ടാഗ് ചെയ്യരുതെന്ന് സംവിധായകന്‍ സജിന്‍ ബാബു. 67 -മത് ദേശീയ ചലച്ചിത്ര പുരസ്‌കാര പ്രഖ്യാപനത്തില്‍ പ്രേത്യേക ജൂറി പരാമര്‍ശം ലഭിച്ച ശേഷം പ്രതികരിക്കുകയായിരുന്നു അദ്ദേഹം. ‘അവാര്‍ഡ് കിട്ടി എന്നത് കൊണ്ട് അവാര്‍ഡ് സിനിമയായിട്ട് കാണുന്നില്ല. എല്ലാവര്‍ക്കും ആസ്വദിക്കാന്‍ പറ്റുന്ന സിനിമയാണിത്.
ഐഎഫ്‌എഫ്‌കെ ഉള്‍പ്പെടെയുള്ള മേളകളില്‍ സിനിമയുടെ റിസര്‍വേഷന്‍ മിനിറ്റുകള്‍ കൊണ്ട് നിറഞ്ഞതും കൂടുതല്‍ പ്രദര്‍ശനങ്ങള്‍ക്കായി ആളുകള്‍ ആവശ്യം ഉന്നയിക്കുന്നതുമായ സാഹചര്യമുണ്ടായിരുന്നു. അമ്ബതിലേറെ, മേഖലകളില്‍ പ്രദര്‍ശിപ്പിച്ച ബിരിയാണി ഇതിനോടകം 18 പുരസ്‌കാരം നേടിയിട്ടുണ്ട്. അതൊക്കെയാണ് തിയേറ്ററില്‍ റിലീസ് ചെയ്യാന്‍ ധൈര്യം നല്‍കുന്നുണ്ട്. അതുകൊണ്ടാണ് ഈ സമയത്തും ബുദ്ധിമുട്ടിയാണെങ്കിലും ചിത്രം റിലീസ് ചെയ്യുന്നത്’, സജിന്‍ പറഞ്ഞു. കേരളത്തിലെ സ്ത്രീകളെന്നല്ല ലോകത്തെവിടെയുമുള്ള സ്ത്രീകള്‍ നേരിടുന്ന പ്രശ്‌നമാണ് ചിത്രം പറയുന്നതും അതുമായി പ്രേക്ഷകര്‍ക്ക് കണക്‌ട് ചെയ്യാനാവുന്നു എന്നതാണ് ബിരിയാണിയുടെ വിജയമെന്നും സജിന്‍ കൂട്ടിച്ചേര്‍ത്തു.
