കമല്‍ഹാസന് രാഷ്ട്രീയം അറിയില്ലെന്ന് പ്രകാശ് കാരാട്ട്

ചെന്നൈ: തമിഴ്‍നാട്ടിലെ മക്കള്‍ നീതിമയ്യം നേതാവും നടനുമായ കമല്‍ഹാസന് രാഷ്ട്രീയം അറിയില്ലെന്ന് പൊളിറ്റ് ബ്യൂറോ അംഗം പ്രകാശ് കാരാട്ട്. കോടികള്‍ വാങ്ങിയാണ് കമ്യൂണിസ്റ്റ് പാര്‍ട്ടി ഡി.എം.കെയുമായി സഖ്യമുണ്ടാക്കിയതെന്ന് കഴിഞ്ഞ ദിവസം കമല്‍ ഹാസന്‍ ആരോപിച്ചിരുന്നു.

അതെ സമയം കമല്‍ഹാസന്റെ ഈ ആരോപണത്തിന് മറുപടിയില്ലെന്ന് പ്രകാശ് കാരാട്ട് പ്രതികരിച്ചു. 25 കോടി രൂപ കൈപ്പറ്റിയാണ് ഡി.എം.കെയുമായി സഖ്യമുണ്ടാക്കിയതെന്ന് കമല്‍ഹാസന്‍ ആരോപണം ഉയര്‍ത്തിയിരുന്നു. ഇതാണ് കമ്യൂണിസ്റ്റ് പാര്‍ട്ടിയെ ചൊടിപ്പിച്ചത്.

തമിഴ്‌നാട്ടില്‍ ഭരണമാറ്റമുണ്ടാകുമെന്നും ഡി.എം.കെ സര്‍ക്കാര്‍ അധികാരത്തില്‍ വരുമെന്നാണ് പ്രതീക്ഷിക്കുന്നതെന്നും പ്രകാശ് കാരാട്ട് കൂട്ടിച്ചേര്‍ത്തു.