![“Manju”](https://santhigirinews.org/wp-content/uploads/2020/04/YOUTUBE.jpg")
വാഷിങ്ടണ്‍: ഫൈസര്‍ കോവിഡ് വാക്സിന് 91 ശതമാനം ഫലപ്രദമെന്ന് പഠന റിപ്പോര്‍ട്ട്. കഴിഞ്ഞ ആറ് മാസമായി നടത്തിയ പഠനത്തിലാണ് ഇക്കാര്യം വ്യക്തമായത്. ദക്ഷിണാഫ്രിക്കയില്‍ പുതുതായി കണ്ടെത്തിയ കോവിഡ് വകഭേദത്തേയും വാക്സിന് പ്രതിരോധിക്കുന്നുണ്ടെന്നാണ് റിപ്പോര്‍ട്ടുകള്‍. കഴിഞ്ഞ നവംബറില്‍ നടത്തിയ പഠനത്തില്‍ ഫൈസര്‍ വാക്സിന് 95 ശതമാനം ഫലപ്രാപ്തിയുണ്ടായിരുന്നു. 44,000 പേരിലാണ് പഠനം നടത്തിയത്. എന്നാല്‍ അന്തിമ പഠന റിപ്പോര്‍ട്ടില്‍ ഫലപ്രാപ്തി 91 ശതമാനമാണ്.
പൂര്‍ണ്ണ പഠന റിപ്പോര്‍ട്ട് യു.എസ് അധികൃതര്‍ക്ക് നല്‍കുമെന്ന് ഫൈസറിന്റെ ചീഫ് എക്സിക്യൂട്ടീവ് ഓഫീസര്‍ ആല്‍ബര്‍ട്ട് ബോറുല പറഞ്ഞു. നിലവില്‍ അടിയന്തര ഉപയോഗത്തിന് ഫൈസര്‍ വാക്സിന് യു.എസില്‍ അനുമതിയുണ്ട്. കൗമാരക്കാരില്‍ ഫൈസര്‍ വാക്സിന് 100 ശതമാനം ഫലപ്രദമാണെന്ന പഠന റിപ്പോര്‍ട്ട് കഴിഞ്ഞ ദിവസം പുറത്ത് വന്നിരുന്നു.
