ലുധിയാന: ഹിന്ദി നടന് സതീഷ് കൗള് (73) കോവിഡ് ബാധിച്ച് മരിച്ചു. ബി.ആര്. ചോപ്രയുടെ ‘മഹാഭാരതം’ പരമ്ബരയില് ഇന്ദ്രന്റെ വേഷം അവതരിപ്പിച്ച് ശ്രദ്ധേയനായിരുന്നു. കോവിഡ് കാലത്ത് സാമ്ബത്തിക പരാധീനതകള് മൂലം പ്രയാസത്തിലായ താരം സഹായത്തിന് അഭ്യര്ഥിച്ചത് വാര്ത്തയായിരുന്നു.
കോവിഡ് ബാധയെ തുടര്ന്ന് ആരോഗ്യനില വഷളായിരുന്നു. വ്യാഴാഴ്ച ആശുപത്രിയില് പ്രവേശിപ്പിച്ചിരുന്നെന്നും സഹോദരി സത്യദേവി പറഞ്ഞു.
പഞ്ചാബി സിനിമയിലെ അമിതാഭ് ബച്ചന് എന്ന പേരില് സതീഷ് കൗള് അറിയപ്പെട്ടിരുന്നു. ഒരുകാലത്ത് പഞ്ചാബി സിനിമയിലും ടി.വി പരമ്ബരകളിലും നിറസാന്നിധ്യമായിരുന്നു. 300ഓളം വേഷങ്ങള് ചെയ്തിട്ടുണ്ട്. അവസാന കാലത്ത് സാമ്ബത്തികമായി ഏറെ തകര്ന്ന ഇദ്ദേഹം ലുധിയാനയിലെ ഒരു വൃദ്ധസദനത്തിലായിരുന്നു കഴിഞ്ഞത്. പിന്നീട്, ഒരു വാടകവീട്ടിലേക്ക് മാറുകയായിരുന്നു.