ന്യൂഡൽഹി: രാജ്യത്ത് ആശുപത്രികളില് ഓക്സിജന് ലഭിക്കാന് ബുദ്ധിമുട്ടുണ്ടാവില്ലെന്ന് ധനമന്ത്രി നിര്മല സീതാരാമന്. കോവിഡ് രണ്ടാം തരംഗം വ്യാപിക്കുന്നതിനിടെ വ്യവസായികളുമായി നടത്തിയ കൂടിക്കാഴ്ചയിലാണ് ധനമന്ത്രിയുടെ പ്രതികരണം.
എല്ലാ ആശുപത്രികളിലും മെഡിക്കല് ഓക്സിജന് ഉറപ്പാക്കും. ഓക്സിജന് വിതരണം തടസങ്ങളില്ലാതെ നടത്താനുള്ള ക്രമീകരണം കേന്ദ്രസര്ക്കാര് ഒരുക്കും. റെഡംസിവിര് മരുന്നിന്റെ പ്രതിമാസ ഉല്പാദനം 36 ലക്ഷത്തില് നിന്ന് 78 ലക്ഷമാക്കി ഉയര്ത്തിയിട്ടുണ്ട്. മരുന്നിന്റെ കയറ്റുമതിയിലും നിയന്ത്രണം ഏര്പ്പെടുത്തിയിട്ടുണ്ടെന്നും ധനമന്ത്രി പറഞ്ഞു.