ന്യൂഡല്ഹി: രാജ്യത്ത് വ്യാവസായിക ആവശ്യത്തിനുള്ള ഓക്സിജന് വിതരണത്തിന് കേന്ദ്ര ആഭ്യന്തര മന്ത്രാലയം നിരോധനം ഏര്പ്പെടുത്തി. ചികിത്സാ ആവശ്യത്തിനുള്ള ഓക്സിജന്റെ ലഭ്യത ഉറപ്പാക്കാന് ലക്ഷ്യമിട്ടാണ് സര്ക്കാരിന്റെ തീരുമാനം. ചികിത്സാ ആവശ്യത്തിനുള്ള ഓക്സിജന് വിതരണത്തിന് ഒരു നിയന്ത്രണവും ബാധകമാകില്ലെന്നും കേന്ദ്ര ആഭ്യന്തര മന്ത്രാലയം പറഞ്ഞു.
ചികിത്സാ ആവശ്യത്തിനുള്ള ഓക്സിജന്റെ സുഗമമായ നീക്കത്തിന് സൗകര്യം ഒരുക്കണം. ഇങ്ങനെയുള്ള ഓക്സിജന് വിതരണ വാഹനങ്ങള്ക്ക് ഏതു സമയത്തും പ്രവേശനം അനുവദിക്കും. സര്ക്കാര് ഇളവ് അനുവദിച്ച വ്യവസായത്തിന് മാത്രമേ അനുമതിയുണ്ടാകൂവെന്നും ആഭ്യന്തര മന്ത്രാലയം അറിയിച്ചു.