കന്നഡ സംവിധായകന്‍ നവീന്‍ കോവിഡ് ബാധിച്ച്‌ മരിച്ചു

കന്നഡ സംവിധായകന്‍ നവീന്‍ കോവിഡിനെ ത്തുടര്‍ന്ന് മരിച്ചു. 36 വയസായിരുന്നു. കുറച്ചു ദിവസങ്ങളായി കോവിഡ് ബാധിച്ച്‌ ചികിത്സയിലായിരുന്നു അദ്ദേഹം . നവീന്റെ സംസ്കാരം സ്വദേശമായ മാണ്ട്യയില്‍ നടക്കും.
2011ല്‍ പുറത്തിറങ്ങിയ വണ്‍ ഡേ എന്ന ചിത്രത്തിലൂടെയാണ് നവീന്‍ സംവിധായകനായി അരങ്ങേറ്റം കുറിക്കുന്നത്.

അപ്പു വെങ്കിടേഷ്, രേവണ്ണ തുടങ്ങിയവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്. നവീന്റെ അപ്രതീക്ഷിതമായ വിയോഗത്തിന്റെ ഞെട്ടലിലാണ് ബന്ധുക്കളും സഹപ്രവര്‍ത്തകരും.
ഏപ്രിലില്‍ കന്നഡ ചലച്ചിത്രമേഖലയിലെ പ്രശസ്ത പോസ്റ്റര്‍ ഡിസൈനറും സംവിധായകനുമായ മസ്താന്‍ കോവിഡ് ബാധിച്ച്‌ മരിച്ചിരുന്നു. നടനും നിര്‍മ്മാതാവുമായ ഡോ. ഡി.എസ് മഞ്ജുനാഥും കോവിഡ് ബാധിച്ചാണ് മരണമടഞ്ഞത്.