കാഷ്മീരിലെ ഷോപ്പിയാനില് സുരക്ഷാ സേനയും ഭീകരരും തമ്മില് ഏറ്റുമുട്ടല്. മൂന്നു ഭീകരരെ വധിച്ചു. അല് ബദര് ഭീകരസംഘടനയിലെ പുതുതായി അംഗങ്ങളായ ഭീകരരാണ് കൊല്ലപ്പെട്ടതെന്ന് ജമ്മു കശ്മീര് പൊലീസ് അറിയിച്ചു. ഭീകരരെ അനുനയിപ്പിക്കാന് പൊലീസും സൈനികരും പരമാവധി ശ്രമിച്ചു. എന്നിട്ടും കൂട്ടാക്കാതെ ആക്രമണത്തിന് മുതിര്ന്നതോടെയാണ് ഇവരെ കൊലപ്പെടുത്തിയതെന്നും പൊലീസ് പറഞ്ഞു.
ഷോപ്പിയാന് ജില്ലയിലെ കനിഗാം മേഖലയിലാണ് ഏറ്റുമുട്ടലുണ്ടായത്. ഭീകരര് പുതുതായി സംഘടനയില് ചേര്ത്തവരാണ് കൊല്ലപ്പെട്ടത്. ഇവര്ക്കൊപ്പമുണ്ടായിരുന്ന തൗഫിസ് അഹമ്മദ് എന്നയാളാണ് കീഴടങ്ങിയത്.പ്രദേശത്ത് ഭീകരര്ക്കായുള്ള തെരച്ചില് തുടരുന്നതായി കാഷ്മീര് പോലീസ് അറിയിച്ചു. കൂടുതല് വിവരങ്ങള് ലഭ്യമായിട്ടില്ല.