തിരൂരങ്ങാടി: കുട്ടികള് നല്കിയ പരാതിയില് നടപടി സ്വീകരിച്ച് സ്പീക്കര് എം.ബി. രജേഷ്.
പരാതി കേട്ട സ്പീക്കര് ഉടനടി നടപടി ഉണ്ടാകുമെന്ന് കുട്ടികള്ക്ക് ഉറപ്പു നല്കി. പ്രശ്നത്തില് ഇടപെടാന് തൊട്ടടുത്തുണ്ടായിരുന്ന സി.പി.എം തിരൂരങ്ങാടി ഏരിയ കമ്മിറ്റി അംഗം അഡ്വ. സി. ഇബ്രാഹിം കുട്ടിയോട് സ്പീക്കര് നിര്ദേശിക്കുകയും ചെയ്തു. നടപടി വേഗത്തിലായില്ലെങ്കില് ശ്രദ്ധയില്പ്പെടുത്തണമെന്നും സ്പീക്കര് കുട്ടികളോട് പറഞ്ഞു.
സ്പീക്കര് പോയ ഉടന് അഡ്വ. സി. ഇബ്രാഹിംകുട്ടി കെ.എസ്.ഇ.ബി അധികൃതരെ ബന്ധപ്പെട്ട് പരാതി ശ്രദ്ധയില്പ്പെടുത്തി. ഇതേ തുടര്ന്നാണ് തിരൂരങ്ങാടി ഈസ്റ്റ് ബസാറിലെ തുരുമ്ബെടുത്ത ആറ് വൈദ്യുതി പോസ്റ്റുകള് മാറ്റാന് തീരുമാനിച്ചത്.
പോസ്റ്റുകള് മാറ്റുന്നതിനുള്ള പ്രവര്ത്തനവും ആരംഭിച്ചു. കുഞ്ഞുങ്ങളുടെ പരാതി സ്പീക്കര് വളരെ ഗൗരവത്തില് പരിഗണിച്ച സന്തോഷത്തിലാണ് നാട്ടുകാര്.